گلوکارہ و اداکارہ شاہدہ منی کے اپنی عمر کے حوالے سے دیے گئے ایک بیان پر سماجی و فلمی حلقوں نے شدید حیرت کا اظہار کیا ہے۔ حال ہی میں نیوز چینل جی این این کے پروگرام ’جی کے سنگ‘ میں ایک سوال کے جواب میں شاہدہ منی نے بتایا کہ جب وہ آٹھ گھنٹے کی نیند پوری کرلیتی ہیں تو سولہ سال کی لگتی ہیں لیکن درحقیقت ان کی عمر چالیس سے ذیادہ ہے۔
ساتھ ہی انہوں نے یہ بھی کہا کہ تیس سال میں عورت بھرپور جوان ہوتی ہے جبکہ چالیس کی عمر میں مذید جوان اور پچاس کے بعد تو جوبن پر ہوتی ہے۔
شاہدہ منی نے اپنا کیریئر اداکارہ کی حیثیت سے شروع کیا تھا اور ان کی پہلی فلم جہیز، 1982 میں ریلیز ہوئی تھی۔ یہ فلم سائن کرتے وقت شاہدہ منی کی عمر 18 برس تھی۔ اس مناسبت سے ان کی پیدائش کا سال 1964 اور عمر 59 سال بنتی ہے۔ جبکہ 1982 میں پہلی ریلیز کے اعتبار سے شاہدہ منی کا کیریئر 41 سال پر محیط ہے۔
عموماً خواتین کے بارے میں مشہور ہے کہ وہ اپنی عمر چھپاتی ہیں لیکن انڈسٹری میں اداکارہ میرا اس معاملے میں سب سے ذیادہ متنازعہ رہی ہیں جو ابھی تک سولہ سال کی ہیں۔ میرا کی پیروی میں شاہدہ منی کا یہ انٹرویو ان کی جگ ہنسائی کا سبب بن رہا ہے۔
