راولپنڈی ٹیسٹ کے چوتھے روز سری لنکا کی ٹیم نے اپنی پہلی اننگز میں 446 رنز اسکور کرلیے۔
راولپنڈی میں کھیلے جارہے ٹیسٹ میچ میں مہمان ٹیم کی پوری بیٹنگ لائن اپ 446 رنز بناکر پویلین واپس لوٹ گئی۔ دھننجایا ڈی سلوا نے 167 رنز کی شاندار اننگز کھیلی، جبکہ کوشل مینڈس 119 رنز بنانے میں کامیاب رہے۔
پاکستان کے ڈیبیو کرنے والے فاسٹ بولر ثاقب خان نے اپنے پہلے ہی ٹیسٹ میچ میں 7 وکٹیں حاصل کرکے قومی ریکارڈ میں اپنا نام درج کرالیا۔ وہ ٹیسٹ ڈیبیو پر 7 وکٹیں لینے والے پاکستان کے چوتھے بولر بن گئے ہیں۔
پاکستان کی جانب سے محمد عباس نے 2 جبکہ رضا اللہ نے ایک کھلاڑی کو آؤٹ کیا۔ اس طرح سری لنکا کو پہلی اننگز میں پاکستان کے خلاف 12 رنز کی برتری حاصل ہوگئی۔
واضح رہے کہ ٹیسٹ میچ کے دوسرے روز پاکستان نے اپنی پہلی اننگز 434 رنز 9 وکٹوں کے نقصان پر ڈکلیئر کردی تھی۔
