اسٹیٹ بینک آف پاکستان نے اپنی مانیٹری پالیسی کا اعلان کیا ہے۔
اسٹیٹ بینک کی مانیٹری پالیسی کمیٹی نے شرح سود کو 11.5 فیصد پر برقرار رکھنے کا فیصلہ کیا ہے۔
اس اعلامیے کے مطابق، مانیٹری پالیسی کمیٹی نے معاشی صورتحال اور جیو پولیٹیکل حالات کا جائزہ لیا۔ مشرق وسطیٰ میں نئے چیلنجز پیدا ہو گئے ہیں جو معیشت کو متاثر کر رہے ہیں۔
اجلاس میں ایران اور امریکا کے درمیان معاہدے، تیل کی گرتی ہوئی قیمتوں اور بجٹ کے اقدامات کے اثرات پر بھی بات کی گئی۔ بیان کے مطابق تیل کی قیمتوں کے بڑھنے سے مہنگائی میں اضافہ ہوا ہے۔
معاشی ماہرین کا کہنا ہے کہ رواں مالی سال کی آخری اور بجٹ کے فوری بعد آنے والی یہ مانیٹری پالیسی بہت اہم ہے۔ اس وقت ملک میں بنیادی شرح سود 11.5 فیصد ہے۔ اس سے قبل مانیٹری پالیسی میں شرح سود میں ایک فیصد اضافہ کیا گیا تھا۔
