سینئر اداکارہ بشریٰ انصاری نے ایک انٹرویو میں ایک دلچسپ واقعہ بتایا۔ انہوں نے کہا کہ انہوں نے ماہرہ خان اور فہد مصطفیٰ کے فون نمبر اپنے موبائل سے ڈیلیٹ کر دیے تھے۔
انہوں نے بتایا کہ انہوں نے ماہرہ خان اور فہد مصطفیٰ کو پیغام بھیجے، لیکن انہیں جواب نہیں ملا۔ انہوں نے سوچا کہ وہ دونوں بہت مصروف ہیں اور رابطہ نہیں رکھنا چاہتے۔ اس لیے انہوں نے دونوں کے نمبر حذف کر دیے تاکہ بار بار میسج کرنے سے بچ سکوں۔
کچھ عرصے بعد ایک حیران کن صورتِ حال سامنے آئی۔ بشریٰ انصاری نے بتایا کہ انہیں ایک پیارا سا پیغام موصول ہوا جس میں لکھا تھا “آپا، آئی لو یو، آئی مس یو”۔ چونکہ نمبر محفوظ نہیں تھا، اس لیے صرف ابتدائی حروف ایم کے نظر آ رہے تھے۔ انہوں نے غلطی سے سمجھا کہ شاید یہ اداکارہ مِشی خان ہیں۔ اصل میں یہ پیغام ماہرہ خان کی طرف سے تھا۔
اسی طرح، فہد مصطفیٰ نے بھی رابطہ کیا، مگر نمبر محفوظ نہ ہونے کی وجہ سے پہچان میں غلطی ہو گئی۔
بشریٰ انصاری نے وضاحت کی کہ ان کا کسی سے ناراضی کا کوئی ارادہ نہیں تھا۔ انہوں نے کہا کہ وہ ماہرہ خان کو بے حد عزت دیتی ہیں۔ ماہرہ خان انتہائی باادب اور خوش اخلاق شخصیت ہیں۔ دونوں فنکار پاکستانی انڈسٹری کے مصروف ترین ناموں میں شمار ہوتے ہیں۔
