زی اسٹوڈیوز نے 30 دسمبر کو پاکستانی فلم دی لیجنڈ آف مولا جٹ، کو بھارت میں ریلیز کرنے کا اعلان کیا تھا اور نمائش کی تیاریاں بھی کرلی تھیں لیکن اب یہ ریلیز غیر معینہ مدت کے لیے روک دی گئی ہے۔
بھارتی سینسرز بورڈ نے فواد خان اسٹارر دی لیجنڈ آف مولا جٹ کوعام نمائش کا سرٹیفکیٹ بھی جاری کردیا تھا لیکن بعض حلقوں کی جانب سے فلم کی نمائش پر اعتراض کے بعد اب بھارت میں فلم کی نمائش غیر معینہ مدت کے لیے ملتوی کر دی گئی ہے۔
بھارتی ویب سائٹ کے مطابق یہ واضح نہیں ہے کہ دی لیجنڈ آف مولا جٹ، کو دیا گیا سینسر سرٹیفکیٹ منسوخ کر دیا گیا ہے یا نہیں تاہم فلم کی نمائش کے اب کوئی آثار دکھائی نہیں دیتے۔
