سال 2022 کا اختتام ہونے کو ہے۔ اس برس جہاں ہم نے آسمان پر کئی جوڑیاں بنتے دیکھیں تو کئی ستارے ٹوٹ کر بکھرتے بھی دیکھے گئے۔ احد رضا میر، سجل علی سے لے کر آئمہ بیگ، شہباز شگری تک، کئی ایسے مثالی جوڑے تھے جن کی شادیاں ناکامی سے دوچار ہوئیں اور بالاخر ان میں علیحدگی ہوگئی۔
سجل علی اور احد رضا میر
سال 2022 کے پہلے بریک اپ کو سمجھ میں آنے میں کچھ وقت لگا۔ احد رضا میر اور سجل علی کی شادی کے دو سال بعد ہی علیحدگی کی خبروں نے انٹرنیٹ پر دھوم مچا دی۔ یہ جوڑا، جنہوں نے 2020 میں شادی کی، 2017 سے ایک ساتھ تھے۔ یہ جوڑی فوری طور پر مداحوں کی پسندیدہ بن گئی جب احد رضامیر اورسجل علی نے پہلی بار یقین کا سفر، میں اسکرین شیئر کی۔ تاہم اب دونوں ہی اس رشتے کو یاد نہیں رکھنا چاہتے اور اپنی لائف میں مگن ہیں۔
آئمہ بیگ اور شہباز شگری
ایک اور علیحدگی جو اس سال شہ سرخیوں میں آئی جب آئمہ بیگ نے اعلان کیا کہ وہ اور ان کے منگیتر، اداکار شہباز شگری ایک سال رشتے میں رہنے کے بعد الگ ہو گئے ہیں۔ انسٹاگرام پر آئمہ نے شیئر کیا کہ میں اس شخص کا ہمیشہ احترام کروں گی جس نے مجھے اچھا وقت دیا۔ ہاں، ہم نے راستے جدا کر لیے ہیں لیکن ہم دونوں اچھے اور مذید اچھے کام کر رہے ہیں، اس لیے فکر نہ کریں۔
فیروز خان اور علیزہ سلطان
اداکار فیروز خان اور ان کی اہلیہ علیزہ سلطان کی طلاق کو سال کی سب سے افسوس ناک علیحدگی قرار دیا جا سکتا ہے۔ اس سال ستمبر میں اس جوڑے نے سوشل میڈیا پر طلاق کا اعلان کرکے علیحدگی کی افواہوں کی تصدیق کردی۔ علیزہ سلطان نے اپنے بیان میں فیروز خان پر جسمانی اور نفسیاتی زیادتی کا الزام لگایا۔ علیزہ نے الزام لگایا کہ انہیں فیروز کی طرف سے بے وفائی، بلیک میلنگ اور انحطاط برداشت کرنا پڑا۔ میں نہیں چاہتی کہ میرے بچے ایک زہریلے، غیر صحت مند اور پرتشدد گھرانے میں پروان چڑھیں۔ مجھے ڈر ہے کہ ان کی ذہنی نشوونما اور زندگی کے بارے میں نقطہ نظر منفی ہو جائے گا۔ علیزہ سلطان نے انسٹاگرام پوسٹ میں لکھا کہ کسی بھی بچے کو رشتوں کا ایک عام حصہ بننے کے لیے تشدد کا احساس کرتے ہوئے بڑا نہیں ہونا چاہیے۔ میں انہیں یہ سکھاؤں گی کہ کوئی زخم اتنا گہرا نہیں ہوتا کہ مندمل نہ ہو سکے۔
ابتدا میں فیروز نے ان الزامات کا جواب نہیں دیا تاہم معاملہ کورٹ میں جانے پر وہ پھٹ پڑے۔ فیروز نے انسٹاگرام پوسٹ میں شیئر کیا کہ میں تمام بے بنیاد، بدنیتی پر مبنی اور جھوٹے الزامات کی سختی سے تردید کرتا ہوں جو مجھ پر لگائے گئے ہیں۔ میں ان کارروائیوں کے مرتکب افراد کے خلاف قانونی کارروائی شروع کرنے کا مکمل ارادہ رکھتا ہوں۔
عمران اشرف اور کرن اشفاق
اداکار عمران اشرف اور ان کی چار سالہ اہلیہ کرن نے بھی اس سال علیحدگی کا اعلان کیا۔ عمران اور کرن ستمبر میں سوشل میڈیا پر آگئے اور اپنی علیحدگی کی خبریں شیئر کیں۔ دونوں نے مشترکہ بیان میں کہا کہ بھاری دل کے ساتھ ہم اعلان کرتے ہیں کہ ہم نے باہمی اور احترام سے الگ ہونے کا فیصلہ کیا ہے۔ ہم دونوں کے لیے بنیادی فکر ہمارا بیٹا روہام رہے گا جس کے لیے ہم بہترین والدین بن کر دکھائیں گے۔ ہم مداحوں، خیر خواہوں اور میڈیا سے درخواست کرتے ہیں کہ اس مشکل وقت میں ہمارا ساتھ دیں اور ہمیں وہ پرائیویسی دیں جس کی ہمیں فی الوقت ضرورت ہے۔
یہ جوڑی 2018 میں شادی کے بندھن میں جڑی تھی۔ ان کا ایک ہی بیٹا روہام ہے۔ اس جوڑے کی طلاق کے حوالے سے کافی عرصے سے افواہیں گردش کر رہی تھیں۔ یہ قیاس آرائیاں اس وقت شروع ہوئیں جب کرن نے انسٹاگرام پر اپنا نام کرن عمران اشرف سے بدل کر کرن اشفاق حسین ڈار رکھ لیا۔ بعد میں کرن نے عمران اشرف کے ساتھ اپنی تمام تصاویر بھی ڈیلیٹ کر دیں۔
ثنا اور فخر جعفری
اس سال ثنا نے بھی شوہر فخر سے اپنے 14 سالہ رشتے کا اختتام کرلیا۔ ثنا نے یہ خبر سوشل میڈیا پر شیئر کی۔ 43 سالہ ایکٹریس نے لکھا کہ بریک اپ سے تکلیف ہوتی ہے لیکن کبھی کبھی رشتہ توڑنا ضروری ہوجاتا ہے۔
ثنا نے لکھا کہ انتہائی احترام کے ساتھ، میں نے اور فخر نے شادی کے کئی سالوں کی اونچ نیچ دیکھنے کے بعد الگ راستہ اختیار کرنے کا فیصلہ کیا ہے۔ یہ دل دہلا دینے والا ہے لیکن مجھے پختہ یقین ہے کہ خدا کے پاس ہم دونوں کے لیے بہتر منصوبے ہیں۔ واضح رہے کہ اس جوڑے نے 2008 میں شادی کی تھی اور وہ دو بیٹوں کے والدین ہیں۔
