پنجاب کے تمام سرکاری اور نجی تعلیمی ادارے موسم گرما کی تعطیلات کے بعد پیر 24 اگست سے کھل جائیں گے۔ سرکاری اسکولوں کے اوقات کار کا نوٹیفکیشن جاری کر دیا گیا ہے۔
نئے شیڈول کے مطابق سنگل شفٹ اسکول پیر سے جمعرات صبح 8 بجے سے دوپہر ڈیڑھ بجے تک کھلے رہیں گے۔ لیکن جمعہ کے روز اسکولوں میں چھٹی 12 بجے اور 45 منٹ پر ہوگی۔
ڈبل شفٹ اسکولوں میں صبح کی شفٹ پیر سے جمعرات صبح 8 بجے سے دوپہر ساڑھے 12 بجے تک ہوگی۔ جمعہ کے روز صبح کی شفٹ دوپہر 12 بجے پر ختم ہو جائے گی۔
شام کی شفٹ پیر سے جمعرات دوپہر ایک بجے سے شام ساڑھے 5 بجے تک جاری رہے گی۔ جمعہ کے روز شام کی شفٹ دوپہر دو بجے سے شام ساڑھے 5 بجے تک ہوگی۔
نوٹیفکیشن کے مطابق صوبہ بھر کے سرکاری اور نجی سکول پیر سے جمعہ تک کھلے رہیں گے۔ محکمہ تعلیم کے مطابق نئے اوقات کار 24 اگست سے 15 اکتوبر 2026 تک نافذ العمل رہیں گے۔
گریلز اسکولوں کے اوقات کار میں 15 منٹ کے فرق کو ضلعی سطح پر ضرورت کے مطابق ایڈجسٹ کیا جاسکتا ہے۔ محکمہ تعلیم پنجاب نے چیف ایگزیکٹو افسران اور ڈسٹرکٹ ایجوکیشن اتھارٹیز کو نئے اوقات کار پر سختی سے عملدرآمد یقینی بنانے کی ہدایت کی ہے۔
