نامور ہدایت کار حسن عسکری جو گزشتہ روز کینسر کے سبب انتقال کر گئے تھے، آج لاہور میں ان کی نماز جنازہ ادا کردی گئی۔ نماز جنازہ میں مرحوم کے ساتھیوں اور فلمی صنعت سے وابستہ شخصیات نے بڑی تعداد میں شرکت کی، جن میں سید نور، پرویز کلیم، الطاف حسین ،چوہدری کامران، ذوالفقار علی مانا، شہزاد رفیق، زیڈ اے زلفی، فاروق بٹ ، آغا قیصر، مسعود بٹ ، صفدر ملک، سہیل احمد، راشد محمود، ناصر ادیب ،سہیل بٹ ، نسیم حیدر شاہ، ذوالفقار عطرے، سردار کمال، حیدر راج ملتانی، خاور خان، باسو چوہدری، میاں طارق، اشفاق کاظمی، ڈاکٹر ابرار، ملک یعقوب نور، فیاض خان، اچھی خان اور دیگر لوگ شامل تھے۔ حسن عسکری مرحوم کی نماز جنازہ قبر ستان میانی صاحب میں ادا کی گئی جہاں انہیں سینکڑوں سوگواروں کی موجودگی میں سپرد خاک کردیا گیا۔
اس موقع پراداکار شان، معمر رانا، غلام محی الدین، شفقت چیمہ، ارباز خان اور شاہدکی لاہور میں موجودگی کے باوجود غیر حاضری پر فلمی حلقوں نے افسوس کا اظہار کیا۔ واضح رہے کہ ان تمام اداکاروں کو حسن عسکری مرحوم نے اپنی فلموں میں مرکزی کرداردیے۔
