ان دنوں سوشل میڈیا پر ایک ہی موضوع زیر بحث ہے۔ عمران خان کی کھل کر حمایت کرنے والے یوٹیوبر عادل راجہ کی بعض فن کاروں پر الزام تراشی اور جواب میں شوبز انڈسٹری کا شدید ردعمل۔ پیر کو اداکارہ سجل علی نے ایک ٹویٹ کیا جس نے ان کے مداحوں کو الجھن میں ڈال دیا۔ بہت سے لوگوں کا خیال تھا کہ مذکورہ بالا ٹویٹ ممکنہ طور پر خواتین فن کاروں کو انڈسٹری میں درپیش جنسی ہراسانی سے متعلق ہے لیکن دراصل اس کا پس منظر کچھ اور ہے۔
سجل علی نے لکھا کہ یہ بہت افسوس ناک ہے کہ ہمارا ملک اخلاقی طور پر پست اور بدصورت ہوتا جا رہا ہے۔ کردار کا قتل انسانیت اور گناہ کی بدترین شکل ہے۔
It is very sad that our country is becoming morally debased and ugly; character assassination is the worst form of humanity and sin.
— Sajal Ali (@Iamsajalali) January 2, 2023
سجل علی کے فوراً بعد اداکارہ کبریٰ خان نے بھی ایک پیغام شیئر کیا جس میں انہوں نے سجل جیسے جذبات کا اظہار کیا تاہم سنگ مرمر اسٹار نے اپنا موقف پیش کرنے میں زیادہ سخت رویہ اپنایا۔
کبریٰ نے لکھا کہ میں شروع میں خاموش رہی کیونکہ ظاہر ہے کہ ایک جعلی ویڈیو مجھ پر اثرانداز نہیں ہوسکتی لیکن اب بہت ہوگیا۔ اگر آپ کو لگتا ہے کہ کوئی بھی شخص مجھ پر انگلی اٹھا سکتا ہے اور میں جواب نہیں دوں گی تو یہ آپ کی غلط فہمی ہے۔ کبریٰ کے اس اسٹیٹ منٹ نے لوگوں کو معاملے کی گہرائی میں جانے پر اکسایا۔
@soldierspeaks pic.twitter.com/L88nWT0ToX
— Kubra Khan Official (@KubraMKhan) January 2, 2023
اس سارے معاملے کا پس منظر دراصل ایک وی لاگر(سابق آرمی میجر) عادل راجہ کا حالیہ وی لاگ ہے جس میں دعوا کیا گیا ہے کہ شوبز انڈسٹری کی کئی ماڈلز اعلیٰ حکام کے ساتھ جسم فروشی میں ملوث ہیں اور انہیں مذموم مقاصد کے لیے استعمال کیا جاتا ہے۔
عادل راجہ نے یہ الزام بھی لگایا کہ کئی سیاستدانوں کی ان ماڈلز کے ساتھ نازیبا ویڈیوز بھی مبینہ طور پر ریکارڈ کی گئیں۔
انہوں نے دعویٰ کیا کہ گمنام ذرائع نے بتایا کہ اس میں چار نامور اداکارائیں شامل ہیں۔ اگرچہ عادل نے ان اداکاروں کے نام مکمل طور پر نہیں بتائے جن پر انہوں نے الزام لگایا لیکن عادل راجہ نے ان کے ناموں کے ابتدائی حروف واضح کیے۔
عادل نے اداکاروں کے نام نہیں بتائے لیکن ٹویٹر پر بہت سے لوگوں نے قیاس کیا کہ وہ ماہرہ خان، کبریٰ خان، مہوش حیات اور سجل علی کے بارے میں بات کر رہے ہیں۔ عادل راجہ کے بیان کے ساتھ اداکاروں کی تصاویر مائیکرو بلاگنگ ویب سائٹ پر وائرل ہوگئیں۔
کبریٰ نے عادل کے خلاف مقدمہ کرنے کی دھمکی دیتے ہوئے اپنے بیان میں مزید کہا کہ لوگوں پر الزامات لگانے سے پہلے کچھ ثبوت اکھٹے کرو۔ آپ کے پاس اس ثبوت کے ساتھ آنے کے لیے صرف تین دن ہیں۔ جس کا آپ دعویٰ کرتے ہیں کہ سچ ہے۔ یا تو اپنا بیان واپس لیں اور عوامی طور پر معافی مانگیں یا میں آپ پر ہتک عزت کا مقدمہ دائر کروں گی۔ اور فکر نہ کریں، آپ کی خوش قسمتی ہے کہ میں صرف یہاں کی نہیں ہوں، میں برطانیہ سے ہوں، اس لیے اگر مجھے کچھ کرنا پڑا تو میں وہاں آؤں گی۔ کیونکہ میں سچ کے ساتھ ہوں اور کسی کے باپ سے نہیں ڈرتی۔
تاہم عادل راجہ نے وضاحت دی ہے کہ اس نے کبریٰ سمیت کسی کا نام نہیں لیا۔
کبریٰ کے بعد مہوش حیات نے ٹوئٹر پر پیغام شیئر کیا کہ لوگ اپنی کم مقبولیت کی وجہ سے انسانیت کو بھول جاتے ہیں۔ امید ہے کہ آپ اپنی دو منٹ کی شہرت سے لطف اندوز ہوں گے۔ صرف ایک اداکارہ ہونے کی وجہ سے اس کا یہ مطلب نہیں کہ میرے نام پرکیچڑ اچھالا جائے۔
insinuations about someone you know nothing about & even bigger shame on people who believe this bullshit. This just shows the sickness of our society that laps up this gutter journalism without any thought. But this stops & it stops now!I won’t allow anyone to defame my name.2/2
— Mehwish Hayat TI (@MehwishHayat) January 2, 2023
انہوں نے مزید لکھا کہ آپ کو کسی ایسے شخص کے بارے میں بے بنیاد الزامات اور تہمت لگانے پر شرم آنی چاہیے جس کے بارے میں آپ کچھ نہیں جانتے اور اس سے ذیادہ شرم ان کو آنی چاہیے جو اس بکواس پر یقین رکھتے ہیں۔ میں کسی کو اپنے نام کو بدنام کرنے کی اجازت نہیں دوں گی۔
Sasti shohrat haasil karne k liye kuch logue insaaniat k darjay se bhi girjatay hain . Hope you’re enjoying your two mins of fame. Just because I am an actress doesn’t mean my name can be dragged through the mud.
— Mehwish Hayat TI (@MehwishHayat) January 2, 2023
Shame on you for spreading baseless allegations and 1/2
زارا نور عباس نے لکھا کہ آزادیٔ اظہار کا مطلب یہ نہیں کہ کوئی ایک دن اٹھ کر خواتین کو مردوں کے ساتھ اس طرح جوڑ سکتا ہے۔ ایک اداکارہ ہونے کا مطلب یہ نہیں ہے کہ وہ خاموش ہو جائے گی کیونکہ آپ اسے اس کے پروفیشن کی وجہ سے بدنام کریں گے۔
عادل راجہ نے اس کے بعد ٹویٹر پر جاکر ان الزامات پر وضاحت پیش کی جو انہوں نے اداکاروں کے خلاف لگائے تھے۔ انہوں نے ٹویٹ کیا کہ پاکستان اور بیرون ملک ماڈلز، اداکاراؤں اور مشہور شخصیات میں بے شمار نام ہیں، جن کے نام کے ابتدائی حروف میں نے بیان کیے۔
@KubraMKhan, I haven’t named or defamed you in any way and condemned speculations regarding anyone’s name being mentioned wrt my vlog. However, you have explicitly named and defamed me based on speculations and heresy. Good thing you are coming to the UK… pic.twitter.com/uKbvOurcF7
— Adil Raja (@soldierspeaks) January 2, 2023
میں اس سلسلے میں کسی بھی فورم یا سوشل میڈیا پر، کسی کی بھی طرف سے جن مشہور شخصیات کے ناموں کا ذکر کیا جا رہا ہے، اس عمل کی حمایت نہیں کرتا۔ میں سوشل میڈیا کے رجحانات اور ہمارے معاشرے کی ذہنیت پر حیران ہوں۔ میں کچھ اداکاراؤں کی بدنامی کے حوالے سے سوشل میڈیا پر ہونے والی بحث پر مایوس اور شرمندہ ہوں۔ مجھے لگتا ہے کہ ایسا اصل مسئلے اور سوال سے توجہ ہٹانے کے لیے کیا گیا ہے۔ اس بارے میں مجھے ذرائع نے پہلے ہی آگاہ کردیا تھا کہ میرے خلاف ردعمل میں ایسی کوئی مہم شروع کی جائے گی۔
There are numerous names of models, actresses, and celebrities in Pakistan and abroad, with the initials that I have mentioned. I do not endorse and condemn any of the names of the celebrities being mentioned by anyone on any forum/social media in this regard.
— Adil Raja (@soldierspeaks) January 2, 2023
Having said that ⬇️
اس سارے معاملے کا ایک اور دلچسپ مگر افسوس ناک پہلو یہ ہے کہ شوبز انڈسٹری کے بیشتر اداکار اپنا ردعمل نہیں دے رہے۔ خصوصاً بعض بڑے اداکاروں نے اس معاملے میں اپنی ساتھی اداکاراؤں کو تنہا چھوڑ دیا ہے۔
