میٹرو لائیو میڈیا گروپ کے بانی اور سی ای او عمر خطاب خان اورسندھ حکومت کے لا ڈپارٹمنٹ کے سیکشن آفیسرشفقت احمد لارک حال ہی میں عمرے کی سعادت حاصل کرنے کے بعد پاکستان واپس آئے تو چیئرمین سندھ بورڈ آف فلم سینسرز جناب خالد بن شاہین نے دونوں شخصیات کے اعزاز میں ظہرانے کا اہتمام کیا۔ اس موقع پر دونوں شخصیات کو گلدستے، اجرک اور سندھی ٹوپی کی سوغات پیش کی گئی۔
ظہرانے میں میزبان خالد بن شاہین کے علاوہ سیکریٹری کلچر، ٹورزم اینڈ آرکائیوز سندھ جناب خیر محمد کلوَڑ، بریگیڈیئر اسد اللہ خان (آئی ایس پی آر)، بریگیڈیئر (ر) جہانگیر احمد باجوہ، سرفراز احمد (آئی ایس آئی)، سچل شیخ، فلم ساز شوکت زمان خان اور لاہور سے آئے خصوصی مہمان ہدایت کار شہزاد رفیق صاحب نے شرکت کی۔ دونوں معتمرین عمر خطاب خان اور شفقت احمد لارک نے میزبان خالد بن شاہین سمیت تمام رفقا کا شکریہ ادا کیا جنہوں نے حجازِ مقدس سے واپسی پر ان کا خیر مقدم کیا اور شاندار ضیافت کا اہتمام کیا۔
