ﮨﻤﺎﺭﯼ ﻓﻠﻤﯽ ﺻﻨﻌﺖ کے ایک بہترین ﺍﺩﺍﮐﺎﺭ ﺳﺎﻭﻥ ﺟﻨﮩﻮﮞ ﻧﮯ ﻧاﺻﺮﻑ ﻭﻟﻦ ﺑﻠﮑﮧ ﮐﯿﺮﯾﮑﭩﺮ ﺍﯾﮑﭩﺮ ﮐﮯ ﻃﻮﺭ ﭘﺮ ﺑﮭﯽ ﺍﭘﻨﮯ ﺁﭖ ﮐﻮ ﻣﻨﻮﺍﯾﺎ ﺍﻭﺭ ﮐﺌﯽ ﺳﭙﺮﮨﭧ ﻓﻠﻤﯿﮟ ﺩﯾﮟ۔ ﻭﮦ 60 ﺍﻭﺭ 70 ﮐﮯ ﻋﺸﺮﮮ ﻣﯿﮟ ﺑﮩﺖ ﻣﻘﺒﻮﻝ ﺗﮭﮯ ﺍﻭﺭ ﺍﻧﮩﻮﮞ ﻧﮯ ﺑﮍﯼ ﮐﺎﻣﯿﺎﺏ ﻓﻠﻤﯿﮟ ﺩﯾﮟ۔ ﺳﺎﻭﻥ ﮐﺎ ﺍﺻﻞ ﻧﺎﻡ ﻇﻔﺮ ﺍﺣﻤﺪ ﺑﭧ ﺗﮭﺎ۔ ﻭﮦ ﺍﭘﺮﯾﻞ 1920 ﮐﻮ ﺳﯿﺎﻟﮑﻮﭦ ﻣﯿﮟ ﭘﯿﺪﺍ ﮨﻮﺋﮯ۔ ساون ﺍﯾﮏ ﻏﺮﯾﺐ ﺧﺎﻧﺪﺍﻥ ﺳﮯ ﺗﻌﻠﻖ ﺭﮐﮭﺘﮯ ﺗﮭﮯ، ﺍﺳﯽ ﻟیے ﻭﮦ ﺍﭘﻨﯽ ﺗﻌﻠﯿﻢ ﻣﮑﻤﻞ ﻧﮧ ﮐﺮ ﺳﮑﮯ۔ ﺟﻨﮓ ﻋﻈﯿﻢ ﺩﻭﺋﻢ ﻣﯿﮟ ﻭﮦ ﺑﺮﭨﺶ ﺍﻧﮉﯾﻦ ﺍٓﺭﻣﯽ ﻣﯿﮟ ﺷﺎﻣﻞ ﮨﻮ ﮔﺌﮯ۔ ﻣﻼﺯﻣﺖ ﮐﮯ ﺩﻭﺭﺍﻥ ﺍﻧﮩﯿﮟ ﻣﺨﺘﻠﻒ ﻋﻼﻗﻮﮞ ﻣﯿﮟ ﺑﮭﯿﺞ ﺩﯾﺎ ﮔﯿﺎ۔ ﺍﻥ ﻣﯿﮟ ﻣﺸﺮﻕِ ﻭﺳﻄﯽٰ ﺑﮭﯽ ﺷﺎﻣﻞ ﺗﮭﺎ۔ ﺍﻧﮩﯿﮟ ﺟﮩﺎﮞ ﮐﮩﯿﮟ ﺑﮭﯿﺠﺎ ﮔﯿﺎ، ﺍﻧﮩﻮﮞ ﺑﮍﯼ ﺟﺎﻧﻔﺸﺎﻧﯽ ﺳﮯ ﺍﭘﻨﮯ ﻓﺮﺍﺋﺾ ﺳﺮﺍﻧﺠﺎﻡ ﺩﯾﺌﮯ۔ ﺟﻨﮓ ﻋﻈﯿﻢ ﺩﻭﺋﻢ ﮐﮯ ﺑﻌﺪ ﺳﺎﻭﻥ ﮐﻮ ﻓﻮﺝ ﺳﮯ ﺳﺒﮑﺪﻭﺵ ﮐﺮ ﺩﯾﺎ ﮔﯿﺎ۔ ﻭﮦ ﺳﯿﺎﻟﮑﻮﭦ ﻭﺍﭘﺲ ﭼﻠﮯ ﮔﺌﮯ۔
ﺭﻭﺯﯼ ﮐﻤﺎﻧﮯ کےلیے ﺍﻧﮩﻮﮞ ﻧﮯ ﭨﺎﻧﮕﮧ ﭼﻼﻧﺎ ﺷﺮﻭﻉ ﮐﺮ ﺩﯾﺎ۔ ﺍﺱ ﺯﻣﺎﻧﮯ ﻣﯿﮟ ﯾﮧ ﭘﯿﺸﮧ ﻋﺎﻡ ﺗﮭﺎ ﺍﻭﺭ ﺍﺱ ﻣﯿﮟ ﺑﮩﺖ ﮐﻤﺎﺋﯽ ﺑﮭﯽ ﺗﮭﯽ۔ ﻭﮦ ﺍﭘﻨﯽ ﺷﺨﺼﯿﺖ ﺍﻭﺭ ﮈﯾﻞ ﮈﻭﻝ ﮐﯽ ﻭﺟﮧ ﺳﮯ ﺑﮩﺖ ﻣﻘﺒﻮﻝ ﺗﮭﮯ۔ ﻭﮦ ﺍﭘﻨﮯ ﮔﮭﻨﮯ ﺳﯿﺎﮦ ﮔﮭﻨﮕﺮﯾﺎﻟﮯ ﺑﺎﻟﻮﮞ ﮐﯽ ﻭﺟﮧ ﺳﮯ ﺑﮭﯽشہرت رکھتے ﺗﮭﮯ۔ ﺍﻥ ﮐﺎ ﺟﺴﻢ ﭘﮩﻠﻮﺍﻧﻮﮞ ﺟﯿﺴﺎ ﺗﮭﺎ ﺍﻭﺭ ﮔﻮﺭﮮ ﭼﭩﮯ بھی ﺗﮭﮯ۔ ﺍﻥ ﮐﮯ ﭨﺎﻧﮕﮯ ﮐﺎ ﮔﮭﻮﮌﺍ ﺑﮭﯽ ﺳﻔﯿﺪ ﺭﻧﮓ ﮐﺎ ﺗﮭﺎ۔ ﺳﺎﻭﻥ ﺍﭘﻨﯽ ﻃﺮﺯ ﺯﻧﺪﮔﯽ ﺳﮯ ﻣﻄﻤﺌﻦ ﻧﮩﯿﮟ ﺗﮭﮯ۔ ﺑﮩﺘﺮ ﺯﻧﺪﮔﯽ کے لیے ﻭﮦ 1950 ﻣﯿﮟ ﮐﺮﺍﭼﯽ ﭼﻠﮯ ﮔﺌﮯ اور ﮐﺮﺍﭼﯽ ﮐﮯ علاقے ﺭنچھوڑ لائن ﻣﯿﮟ ﺍٓﺑﺎﺩ ﮨﻮ ﮔﺌﮯ۔ ﺍﻧﮩﻮﮞ ﻧﮯ راج مستری ﮐﯽ ﺣﯿﺜﯿﺖ ﺳﮯ ﮐﺎﻡ ﮐﺮﻧﺎ ﺷﺮﻭﻉ ﮐﺮ ﺩﯾﺎ ﺍﻭﺭ ﺍﺱ ﮐﮯ ﺳﺎﺗھ ﺳﺎﺗھ ﻭﮦ بینر بھی پینٹ کرنے لگے۔ ﺍﻧﮩﻮﮞ ﻧﮯ ﭼﮭﻮﭨﮯ ﻣﻮﭨﮯ ﮐﺎﻡ ﮐﺮﻧﮯ ﻣﯿﮟ ﮐﻮﺋﯽ ﮨﭽﮑﭽﺎﮨﭧ ﻣﺤﺴﻮﺱ ﻧﮧ ﮐﯽ۔ ﺍﻥ ﮐﺎ ﻣﻘﺼﺪ ﺭﻭﺯﯼ ﮐﻤﺎﻧﺎ ﺗﮭﺎ۔ ﺍﺱ ﺩﻭﺭﺍﻥ ﺍﻥ ﮐﯽ موجودہ وحید مراد روڈ کے ﺍﯾﮏ سابقہ ﺳﯿﻨﻤﺎ “ایروز” ﮐﮯ ﻋﻤﻠﮯ ﮐﮯ ﺳﺎﺗھ ﺩﻭﺳﺘﯽ ﮨﻮﮔﺌﯽ۔ ﺍﭘﻨﯽ ﺷﺨﺼﯿﺖ ﮐﯽ ﻭﺟﮧ ﺳﮯ ﻭﮦ ﺳﯿﻨﻤﺎ ﻭﺍﻟﻮﮞ ﻣﯿﮟ ﺑﮭﯽ ﻣﻘﺒﻮﻝ ﮨﻮ ﮔﺌﮯ۔ ﺍﻥ ﻟﻮﮔﻮﮞ ﻧﮯ ﺳﺎﻭﻥ ﮐﻮ ﻣﺸﻮﺭﮦ ﺩﯾﺎ ﮐﮧ ﻭﮦ ﻓﻠﻤﻮﮞ ﻣﯿﮟ ﮐﺎﻡ ﮐﺮﯾﮟ۔ ﺳﺎﻭﻥ ﺑﭧ ﮐﻮ ﯾﮧ ﺑﺎﺕ ﭘﺴﻨﺪ ﺍٓﺋﯽ۔ ﺍﻧﮩﻮﮞ ﻧﮯ ﻓﻠﻢ اﺳﭩﻮﮈﯾﻮﺯ ﮐﮯ ﭼﮑﺮ ﻟﮕﺎﻧﮯ ﺷﺮﻭﻉ ﮐﺮ ﺩﯾﺌﮯ۔ ﺍٓﺧﺮ ﮐﺎﺭ ﺍﻧﮩﯿﮟ کراچی کی ﻓﻠﻢ ’’ﮐﺎﺭﻧﺎﻣﮧ‘‘ ﻣﯿﮟ ﺍﺩﺍﮐﺎﺭ ﮐﯽ ﺣﯿﺜﯿﺖ ﺳﮯ ﺷﺎﻣﻞ ﮐﺮ ﻟﯿﺎ ﮔﯿﺎ ﺍﻭﺭ ﯾﮩﯿﮟ ﺳﮯ ﻇﻔﺮ ﺍﺣﻤﺪ ﺑﭧ ﮐﺎ ﻧﺎﻡ ﺳﺎﻭﻥ ﺭﮐھ ﺩﯾﺎ ﮔﯿﺎ۔
ﮐﭽھ ﺻﺤﺎﻓﯿﻮﮞ ﻧﮯ ﺳﺎﻭﻥ ﺳﮯ ﮐﮩﺎ ﮐﮧ ﻭﮦ ﻻﮨﻮﺭ ﭼﻠﮯ ﺟﺎﺋﯿﮟ ﺍﻭﺭ ﭘﻨﺠﺎﺑﯽ ﻓﻠﻤﻮﮞ ﻣﯿﮟ ﺍﭘﻨﯽ ﻗﺴﻤﺖ ﺍٓﺯﻣﺎﺋﯿﮟ ﮐﯿﻮﻧﮑﮧ ﺍﭘﻨﯽ ﮔﺮج ﺪﺍﺭ ﺍٓﻭﺍﺯ ﺍﻭﺭ ﮈﯾﻞ ﮈﻭﻝ ﮐﯽ ﻭﺟﮧ ﺳﮯ ﻭﮦ ﭘﻨﺠﺎﺑﯽ ﻓﻠﻤﻮﮞ ﻣﯿﮟ ﺯﯾﺎﺩﮦ ﮐﺎﻣﯿﺎﺏ ﮨﻮ ﺳﮑﺘﮯ ﮨﯿﮟ۔ ﺳﺎﻭﻥ ﻻﮨﻮﺭ ﺍٓﮔﺌﮯ ﺍﻭﺭ ﺍﻧﮩﯿﮟ ﺍٓﻏﺎ ﺣﺴﯿﻨﯽ ﮐﯽ ﻓﻠﻢ ’’ﺳﻮﻟﮧ ﺍٓﻧﮯ‘‘ ﻣﯿﮟ ﺍﯾﮏ ﭼﮭﻮﭨﺎ ﺳﺎ ﮐﺮﺩﺍﺭ ﺩﮮ ﺩﯾﺎ ﮔﯿﺎ۔ ’’ﺳﻮﻟﮧ ﺍٓﻧﮯ‘‘ ﮐﯽ ﺭﯾﻠﯿﺰ ﮐﮯ ﺑﻌﺪ ﺍﻧﮩﯿﮟ ﻓﻠﻢ ’’ﺳﻮﺭﺝ ﻣﮑﮭﯽ‘‘ کے لیے ﮐﺎﺳﭧ ﮐﺮ ﻟﯿﺎ ﮔﯿﺎ۔ ﺍﺱ ﻓﻠﻢ ﻧﮯ ﺳﺎﻭﻥ ﮐﻮ ﺍﺩﺍﮐﺎﺭ ﺑﻨﺎ ﺩﯾﺎ ﺍﻭﺭ ﭘﮭﺮ ﺍﻧﮩﻮﮞ ﻧﮯ ﭘﯿﭽﮭﮯ ﻣﮍ ﮐﺮ ﻧﮧ ﺩﯾﮑﮭﺎ۔ ﺍﻧﮩﻮﮞ ﻧﮯ ﮐﺌﯽ ﭘﻨﺠﺎﺑﯽ ﻓﻠﻤﻮﮞ ﻣﯿﮟ ﻣﺮﮐﺰﯼ ﮐﺮﺩﺍﺭ ﺍﺩﺍ ﮐﯿﺎ ﺟﻦ ﻣﯿﮟ ﺍﻧﻮﺭﺍ، ﺍﺻﻐﺮﺍ، ﺑﺎﺑﺎﺩﯾﻨﺎ، ﻣﺎﻟﯽ، ﺧﺰﺍﻧﭽﯽ، ﺫﯾﻠﺪﺍﺭ، ﮨﺎﺷﻮ ﺧﺎﻥ، ﺧﺎﻥ ﭼﺎﭼﺎ، ﺟﮕﺮﯼ ﯾﺎﺭ، ﮔﻮﻧﮕﺎ، ﭘﮩﻠﻮﺍﻥ ﺟﯽ ﺍﻥ ﻟﻨﺪﻥ، وغیرہ ﺷﺎﻣﻞ ﮨﯿﮟ۔
ﺍﻥ ﮐﯽ ﻣﺸﮩﻮﺭ ﻓﻠﻤﻮﮞ ﻣﯿﮟ تیس مار خان، نیلم، بھرجائی، چاچا خوامخواہ، گہرا داغ، ولایت پاس، اک سی چور، ملنگی، بھریا میلہ، نظام لوہار، لال بھجکڑ، نادرہ، اکبرا، برما روڈ، جانی دشمن، نیلی بار، میدان، چن مکھناں، کڑمائی، یار دوست، پگڑی سنبھال جٹا، پنج دریا، سجن پیارا، شیرا ں دی جوڑی، لاچی، مکھڑا چن ورگا، دھی رانی، شیراں دے پتر شیر، ڈھول سپاہی، درندہ، سردارا، جی او جٹا، اچا شملہ جٹ دا، سر دھڑ دی بازی، چڑھدا سورج، مورچہ، نظام، قاسو، کبڑا عاشق، بڈھا شیر، ڈنکا، جیرا سائیں، راجو راکٹ، اتھرا گجر، فوجا، نمایاں ہیں۔
ﮐﮩﺎ ﺟﺎﺗﺎ ﮨﮯ ﮐﮧ ساون کے عروج کے زمانے میں ﮨﺪﺍﯾﺖ ﮐﺎﺭ ﺍﺳﻠﻢ ﮈﺍﺭ ﻧﮯ ﺍﭘﻨﯽ ﻓﻠﻢ ’’ ﺑﺸﯿﺮﺍ ‘‘ ﻣﯿﮟ ﻣﺮﮐﺰﯼ ﮐﺮﺩﺍﺭ کے لیے ﺳﺎﻭﻥ ﮐﺎ ﺍﻧﺘﺨﺎﺏ ﮐﯿﺎ تھا۔ ﺳﺎﻭﻥ ﻧﮯ ﺑﮭﺎﺭﯼ ﻣﻌﺎﻭﺿﮧ ﻃﻠﺐ ﮐﯿﺎ ﻟﯿﮑﻦ ﺍﺳﻠﻢ ﮈﺍﺭ ﻧﮯ ﺍﻧﮑﺎﺭ ﮐﺮ ﺩﯾﺎ ﺍﻭﺭ ﺍﻥ ﮐﯽ ﺟﮕﮧ ﺳﻠﻄﺎﻥ ﺭﺍﮨﯽ ﮐﻮ ’’ﺑﺸﯿﺮﺍ‘‘ ﮐﮯ ﻟﯿﮯ ﮐﺎﺳﭧ ﮐﺮ ﻟﯿﺎ۔ ﺍﺱ ﺳﮯ ﭘﮩﻠﮯ ﺳﻠﻄﺎﻥ ﺭﺍﮨﯽ ﮐﯽ ﻓﻠﻢ ’’ﺑﺎﺑﻞ‘‘ ﺳﭙﺮ ﮨﭧ ﮨﻮ ﭼﮑﯽ ﺗﮭﯽ۔ ’’ﺑﺸﯿﺮﺍ‘‘ ﺑﺎﮐﺲ ﺍٓﻓﺲ ﭘﺮ ﺑﮯ ﺣﺪ ﮐﺎﻣﯿﺎﺏ ﺭﮨﯽ ﺍﻭﺭ ﺳﻠﻄﺎﻥ ﺭﺍﮨﯽ ﻧﮯ ﻋﺮﻭﺝ ﮐﯽ ﺳﯿﮍﮬﯿﻮﮞ ﭘﺮ ﻗﺪﻡ ﺭﮐھ ﺩﯾﺎ۔ ﺍﺱ ﮐﮯ ﺳﺎﺗھ ﺳﺎﻭﻥ ﮐﺎ ﺯﻭﺍﻝ ﺷﺮﻭﻉ ﮨﻮﮔﯿﺎ۔ ﺳﺎﻭﻥ ﻧﮯ ﺧﻮﺩ ﮐﮩﺎ ﺗﮭﺎ ﮐﮧ ﻣﯿﮟ ﺑﮩﺖ ﻣﺘﮑﺒﺮ ﮨﻮ ﮔﯿﺎ ﺗﮭﺎ ﺍﻭﺭ ﺍﻧﺴﺎﻥ ﮐﻮ ﺍﻧﺴﺎﻥ ﻧﮩﯿﮟ ﺳﻤﺠﮭﺘﺎ ﺗﮭﺎ۔ ﺍﺱ ﮐﮯ ﻋﻼﻭﮦ ﻣﯿﮟ ﻧﮯ ﻓﻠﻢ ’’ﮨﺎﺷﻮ ﺧﺎﻥ‘‘ ﻣﯿﮟ ﻣﺮﮐﺰﯼ ﮐﺮﺩﺍﺭ ﺍﺩﺍ ﮐﯿﺎ ﺟﻮ ﻣﺠﮭﮯ ﻧﮩﯿﮟ ﮐﺮﻧﺎ ﭼﺎﮨﯿﮯ ﺗﮭﺎ ﮐﯿﻮﻧﮑﮧ ﺍﺱ ﻓﻠﻢ ﻣﯿﮟ ﮨﺎﺷﻮ ﺧﺎﻥ ﺍﯾﮏ ﺳﻔﺎﮎ ﺍﻭﺭ ﻣﻠﺤﺪ ﺣﺎﮐﻢ ﺗﮭﺎ۔ ﺑﮩﺮﺣﺎﻝ ﯾﮧ ﺳﺐ ﻗﺪﺭﺕ ﮐﮯ ﮐﮭﯿﻞ ﮨﯿﮟ۔ ﺑﻌﺪ ﻣﯿﮟ ﺳﺎﻭﻥ ﻓﻠﻤﻮﮞ ﻣﯿﮟ ﭼﮭﻮﭨﮯ ﻣﻮﭨﮯ ﮐﺮﺩﺍﺭ ﺍﺩﺍ ﮐﺮﺗﮯ ﺭﮨﮯ۔ ﺯﻧﺪﮔﯽ ﮐﮯ ﺍٓﺧﺮﯼ ﺩﻭﺭ ﻣﯿﮟ ﺍﻥ ﮐﮯ ﭘﺎﺱ ﮐﻮﺋﯽ ﮐﺎﻡ ﻧﮩﯿﮟ ﺗﮭﺎ ﺍﻭﺭ ﻭﮦ ﮔﮭﺮ ﻣﯿﮟ ﺑﯿﻤﺎﺭ ﭘﮍﮮ ﺭﮨﮯ۔ 6 ﺟﻮﻻﺋﯽ 1998 ﮐﻮ ﻓﺮﺷﺘﮧ ﺍﺟﻞ ﺍٓﻥ ﭘﮩﻨﭽﺎ ﺍﻭﺭ ﺳﺎﻭﻥ ﺍﺱ ﺟﮩﺎﻥ ﻓﺎﻧﯽ ﺳﮯ ﮐﻮﭺ ﮐﺮ ﮔﺌﮯ۔
