عید الاضحی پر ریلیز ہونے والی تینوں پاکستانی فلموں کا باکس آفس بزنس تیسرے ہفتے میں ڈاؤن ہوگیا ہے۔ خصوصاً لفنگے، کئی شہروں میں سنیماؤں سے اُترچکی ہے۔ لندن نہیں جاؤں گا، اور قائد اعظم زندہ باد، ابھی تک مناسب رش لے رہی ہیں لیکن دونوں فلموں کا بزنس 40 فی صد سے نیچے آچکا ہے۔
تیسرے ہفتے کا ویک اینڈ دونوں فلموں کے لیے اچھا نہیں رہا۔ اس کی وجہ ملک بھر میں ہونے والی شدید بارشیں اور کئی شہروں میں پاور سیونگ کے نام پر عائدکی جانے والی پابندیاں ہیں۔
ان حالات میں بھی لندن نہیں جاؤں گا، بدستور اچھا بزنس کررہی ہے۔ اس فلم نے پہلے ہفتے میں دس کروڑ 28 لاکھ روپے کا بزنس کیا۔ دوسرے ہفتے میں فلم کے کلیکشنز 8 کروڑ 30 لاکھ رہے۔ اس ویک اینڈ پر فلم نے ایک کروڑ 15 لاکھ کے مذید کلیکشنز کرلیے۔ یوں لندن نہیں جاؤں گا، کا اب تک کا بزنس 19 کروڑ 73 لاکھ ہوچکا ہے۔
قائد اعظم زندہ باد، نے پہلا ویک 9 کروڑ 25 لاکھ روپے کی فگر کے ساتھ کلوز کیا۔ دوسرے ہفتے میں فلم کے کلیکشنز 7 کروڑ 56 لاکھ روپے رہے۔ اس ویک اینڈ پر فلم نے 93 لاکھ کا بزنس کیا۔ یوں قائد اعظم زندہ باد، کا اب تک کا مجموعی بزنس 17 کروڑ 74 لاکھ روپے ہوچکا ہے۔
عید کی تیسری فلم ’لفنگے‘ باکس آفس پر پہلے دن سے اسٹرگل کررہی ہے۔ پہلے ہفتے میں اس فلم کے ٹوٹل کلیکشنز57 لاکھ روپے رہے۔ دوسرے ہفتے میں فلم نے 42 لاکھ مذید جوڑے۔ اس ویک اینڈ پر فلم نے 12 لاکھ کا بزنس کیا۔ یوں لفنگے، کے مجموعی کلیکشنز ایک کروڑ 11 لاکھ روپے رہے۔
ہالی وڈ فلم تھور۔ لو اینڈ تھنڈر، نے نمائش کے تیسرے ہفتے میں ویک اینڈ کلیکشنز ملاکر مجموعی طور پر 18 کروڑ 52 لاکھ روپے کا بزنس کرلیا ہے۔
Total Domestic Box Office Collections | (Gross) |
London Nahi Jaonga | 197,300,000* |
Quaid e Azam Zindabad | 177,400,000* |
Lafangey | 11,100,000* |
Thor-Love & Thunder | 185,200,000* |
*All figures are estimated