دنیا کے کئی ملکوں میں کامیابی کے جھنڈے گاڑنے کے بعد انٹر نیشنل پنجابی فلم ’یار انمولے ریٹرنز‘ 4 مارچ سے پاکستان بھر میں نمائش کے لیے پیش کی جارہی ہے۔ صف اول کے ڈسٹری بیوشن ادارے میٹرو لائیو موویز نے بین الاقوامی پنجابی فلم ’یار انمولے ریٹرنز‘ کی پاکستان میں نمائش کے حقوق حاصل کیے ہیں۔
حال ہی میں اس فلم کی شوٹنگ کے دوران کی بعض تصاویر سوشل میڈیا پر وائرل کی گئی ہیں، جن میں فلم کے ایکٹرز کو مختلف موڈز میں دیکھا جاسکتا ہے۔ پاکستان میں بھی شائقین نے ان تصاویر کو گوگل پر سرچ کیا جبکہ سوشل میڈیا پلیٹ فارمز پر بھی ان تصاویر پر دلچسپ تبصرے بھی سامنے آئے۔
’یار انمولے ریٹرنز‘ کی کاسٹ میں ہریش ورما، یوراج ہنس، پرابھ گل، نوپریت بنگا، جیسلین سلائچ، نکیت ڈھلون، سکھویندر چہل، پرابھ کور، رانا جنگ بہادر اوردیگر مقبول ستارے شامل ہیں۔ فلم کے ڈائریکٹر ہیری بھٹی ہیں۔ واضح رہے کہ یہ اس سیریز کی تیسری فلم ہے۔ قبل ازیں اس فلم کے دو حصے باکس آفس پر کامیابی کی تاریخ رقم کرچکے ہیں۔
’یار انمولے ریٹرنز‘کا پاکستانی شائقین اس وجہ سے بھی انتظار کررہے ہیں کہ کئی سالوں بعد کسی پنجابی فلم کا میوزک اس قدر پاپولر ہوا ہے۔ فلم میں کل سات گانے شامل ہیں جو میوزک سائٹس پر مقبولیت کے ریکارڈز بناچکے ہیں۔
رومینس، ڈرامہ اور کامیڈی کے رنگ لیے ’یار انمولے ریٹرنز‘شری فلمز(یوکے) نے پروڈیوس کی ہے۔