Friday, January 21, 2022
پہلا صفحہ خبریں کراچی کے معروف کیپری سنیما میں فلم ’شینو گئی‘ کا خصوصی شو

کراچی کے معروف کیپری سنیما میں فلم ’شینو گئی‘ کا خصوصی شو

جمعہ 26 نومبر کو ریلیز ہونے والی پاکستانی اُردو فلم ’شینو گئی‘ کا خصوصی شو میڈیا انڈسٹری سے وابستہ دوستوں کے لیے کیپری سنیما کراچی میں رکھا گیا، جس میں انڈسٹری کی چیدہ چیدہ شخصیات نے شرکت کی۔

شینو گئی، ایک حساس موضوع پر بنائی گئی متوازی (پیرلل) سنیما کی فلم ہے جس کی کاسٹ میں ذیادہ تر نئے چہرے شامل ہیں۔ فلم کی کہانی ایک ایسی لڑکی کے گرد گھومتی ہے جو بائیک پر سفر کرتی ہے اور ماڈرن کپڑے پہنتی ہے۔ کراچی سے بلوچستان کے سفر کے دوران کنڈ ملیرمیں اس کی بائیک خراب ہوجاتی ہے، جس کے بعد اسے ایک گیسٹ ہاؤس میں رات گزارنے کے لیے رُکنا پڑجاتا ہے لیکن وہاں موجود تین ہوس ذدہ مرد اس کے ساتھ جنسی ذیادتی کرتے ہیں۔ اس حادثے کے بعد وہ کس طرح ان مردوں سے انتقام لیتی ہے، یہی شینو گئی، کی کہانی کا انجام ہے۔ فلم کے ڈائریکٹر ابو علیحہ، پروڈیوسر جاوید احمداور عابدہ احمد ہیں۔ شینو گئی، میٹرو لائیو موویز کے توسط سے سندھ اور پنجاب سرکٹ میں ریلیز کی گئی ہے جبکہ اسلام آباد اور راول پنڈی میں فیڈرل سینسر بورڈ کی جانب سے پابندی کے باعث مذکورہ شہروں میں فلم کی نمائش نہ کی جاسکی۔
کیپری سنیما پر شینو گئی، کے خصوصی شو پرعوام کا جم غفیر نظر آیا جنہوں نے فلم کی کاسٹ اور ٹیم کے ساتھ فلم کو انجوائے کیا۔ اس موقع پر کیپری سنیما کے مالک چوہدری فرخ، جنرل منیجر عزیز خٹک، ڈسٹری بیوشن کمپنی میٹرو لائیو موویز کے سی ای او عمر خطاب خان، فلم کے پروڈیوسر جاوید احمد، ڈائریکٹر ابو علیحہ، انڈین ایکٹر اجلال علی خان، لاہور سے آئے مہمان ڈائریکٹر جرار رضوی، اداکار اسد محمود، فلم کی ہیروئن مرینہ سید اور کاسٹ میں شامل دیگر اداکاروں نے آڈیئنس سے براہ راست اظہارِخیال کیا۔

اس موقع پر شرکا نے کہا کہ خواتین کے ساتھ ذیادتی کے واقعات میں تشویش ناک حد تک اضافہ ہوگیا ہے اور آئے دن میڈیا پر ایسے واقعات رپورٹ ہوتے ہیں لیکن حکومت کے کانوں پر جوں تک نہیں رینگتی۔ ایسے واقعات بھی بے شمار ہیں جو کہیں رپورٹ ہی نہیں ہوتے۔ المیہ یہ ہے کہ ایسے کیسز میں عام طور پر عورتوں کو ہی ذمے دار ٹھہرایا جاتا ہے۔ کبھی ان کے پہناوے پر تنقید کی جاتی ہے تو کبھی ان کے رہن سہن کو حدف تنقید بنایا جاتا ہے۔ کچھ لوگ اسے گھریلو تربیت سے جوڑنے کی کوشش کرتے ہیں لیکن عزت لوٹنے والے مرد کو کوئی کچھ نہیں کہتا۔ اس کے برعکس جب کوئی عورت اپنا مقدمہ لے کر عدالت میں جاتی ہے تو اس سے طرح طرح کے سوالات کیے جاتے ہیں۔ فلم کے ڈائریکٹر ابو علیحہ کا کہنا ہے کہ شینو گئی، ان سب عورتوں سے مختلف ہے، وہ اپنا بدلہ لینا جانتی ہے اور یہی اس فلم کا پیغام بھی ہے کہ عورتوں کو اپنی حفاظت خود کرنی ہے۔

فلم کے خصوصی شو کی ویڈیو کوریج

فلم دیکھنے کے لیے موجود میڈیا انڈسٹری سے وابستہ شخصیات اور صحافیوں نے اس بات پر حیرت کا اظہار کیا کہ آخر وفاقی سینسر بورڈ کو اس فلم میں ایسی کیا بات پسند نہیں آئی کہ انہوں نے شینو گئی، جیسی بامقصد فلم کو نمائش کے لیے غیر موزوں قرار دیا جس کی وجہ سے پروڈیوسرز کو بھاری مالی نقصان اٹھانا پڑا۔ اس سے عمل سے پاکستان میں پیرلل سنیما کی تحریک کو نقصان پہنچ رہا ہے اور پروڈیوسرز خوف ذدہ ہوکر ایسے موضوعات کو چھونے کی کوشش ہی نہیں کرتے جبکہ حکومت ٹی وی چینلزپر کروڑوں روپے کے اشتہارات چلاکر عورتوں کو تحفظ دینے اور ذیادتی کے کیسز میں آواز اٹھانے کی ترغیب دیتی ہے۔ یہ دہرا معیار عام آدمی کی سمجھ سے بالاتر ہے۔ کیپری سنیما کے سی ای او چوہدری فرخ نے شینو گئی، کے پروڈیوسرز اورڈائریکٹر ابو علیحہ کو خاص طور پر مبارک باد دی کہ انہوں نے اس سلگتے ہوئے موضوع پر فلم بنائی ۔ انہوں نے کہا کہ دنیا بھر کی طرح پاکستان میں بھی پیرلل سنیما کی حوصلہ افزائی ضروری ہے۔ ہم ہر طرح کی فلموں کا خیر مقدم کرتے ہیں۔

فلم کے خصوصی شو کی ویڈیو کوریج

LEAVE A REPLY

Please enter your comment!
Please enter your name here

متعلقہ پوسٹس

اسپائیڈرمین:نو وے ہوم، کا پاکستانی سنیماؤں پر دھواں دار بزنس، دو ہفتوں میں 25 کروڑ کمالیے

دسمبر 17 کو ریلیز کی جانے والی ہالی وڈ مووی ’اسپائیڈرمین:نو وے ہوم‘ نے کووڈ کے بعد سنیماؤں پر طاری جمود...

تاریخ کی پہلی بلوچی فلم ’دودا‘ اُردو ڈب ورژن کے ساتھ سنیما گھروں میں ریلیز کی جائے گی

دودا، وہ پہلی بلوچی فلم ہے جو سنیماگھروں کی زینت بننے جارہی ہے۔ نوجوان ڈائریکٹر عادل بزنجو...

اسپائیڈرمین:نو وے ہوم، کا پاکستان میں پہلے ہفتے 12 کروڑ کا بزنس

دسمبر کی 17 کو ریلیز کی جانے والی ہالی وڈ مووی ’اسپائیڈرمین:نو وے ہوم‘کے پاکستانی سنیماؤں پر دھواں دار...
- Advertisment -

مقبول ترین

اسپائیڈرمین:نو وے ہوم، کا پاکستانی سنیماؤں پر دھواں دار بزنس، دو ہفتوں میں 25 کروڑ کمالیے

دسمبر 17 کو ریلیز کی جانے والی ہالی وڈ مووی ’اسپائیڈرمین:نو وے ہوم‘ نے کووڈ کے بعد سنیماؤں پر طاری جمود...

تاریخ کی پہلی بلوچی فلم ’دودا‘ اُردو ڈب ورژن کے ساتھ سنیما گھروں میں ریلیز کی جائے گی

دودا، وہ پہلی بلوچی فلم ہے جو سنیماگھروں کی زینت بننے جارہی ہے۔ نوجوان ڈائریکٹر عادل بزنجو...

اسپائیڈرمین:نو وے ہوم، کا پاکستان میں پہلے ہفتے 12 کروڑ کا بزنس

دسمبر کی 17 کو ریلیز کی جانے والی ہالی وڈ مووی ’اسپائیڈرمین:نو وے ہوم‘کے پاکستانی سنیماؤں پر دھواں دار...

پاکستان کی پہلی ٹین ایج ایڈوینچر مووی ’کھیل‘ نمائش کے لیے تیار

پاکستان کی پہلی ٹین ایج ایڈوینچر مووی کھیل، کا ابھی پہلا حصہ ریلیز نہیں ہوپایا کہ پروڈکشن ہاؤس ریور ویو فلمز...

ریسینٹ کمنٹس