فلم والا پکچرز کی ڈرامہ مووی ’کھیل کھیل میں‘ نے پہلے دن کے مقابلے میں دوسرے دن باکس آفس پر قدرے بہتر بزنس کیا۔ ویک اینڈ کا ایڈوانٹج اٹھاتے ہوئے فلم کے کلیکشنز پہلے دن کے ٹوٹل 30 لاکھ سے تھوڑا بہتر رہے اور دوسرے دن کراچی و حیدرآباد سے ٹوٹل 10 لاکھ کے کلیکشن کے ساتھ پنجاب سرکٹ میں فلم نے 35 لاکھ کا بزنس کیا۔ اسلام آبادکے سنیماؤں کا گراس بزنس ملاکر فلم کا دوسرے دن کا ٹوٹل فگر52 لاکھ رہا۔ اوور آل لاہور، کراچی اور اسلام آباد کے فگرز پہلے دن کے مقابلے میں ذیادہ بہتر نظر آئے۔اس رجحان کو دیکھتے ہوئے کہا جاسکتا ہے کہ اربن ایریاز میں یہ فلم اچھا بزنس کرنے میں کامیاب ہوجائے گی۔
مجموعی طور پر کھیل کھیل میں، نے دو دن میں 82لاکھ (لگ بھگ) کا گراس بزنس کرلیا ہے اور امکان ہے کہ اتوار کےشوز کے بعد فلم کے فگرز 15 ملین کے آس پاس ہوسکتے ہیں۔
ہدایت کار نبیل قریشی اورپروڈیوسر فضا علی میرزا کی یہ فلم 1971 کی پاک بھارت جنگ اور سقوطِ ڈھاکا کا احاطہ کرتی ہے۔ کھیل کھیل میں، کی کاسٹ میں سجل علی، بلال عباس، منظر صہبائی، جاویدشیخ، ثمینہ احمد،فرحان علی آغا، موجز حسن، نوید رضا، مرینہ خان، لیلیٰ واسطی، اور زہرہ نواب شامل ہیں۔